السلام عليكم
اختارو من 1 الى 20 وشوفو البوقالة انتاعكم







خيرتو ولا مازال







نويتو ولا مازال

نبداو







1-مولة النية يربح وإذا ماربحش يخرج سلامات

2-طلبت من الله العوافي رسي كل مغبون ب مينا ويكسي كل عريان وحافو وبعد لهموم علينا

3-رد الفال لا تخافي عندي تخلاص الغبينة

4-دير النية بالقلب الصافي والنية باقية في القلوب الزينة

5-ياربي في كل وافي وغرس الخصايل فينا

6-بالفال تعود واف وبالنية باقيا الدنيا زوينة

7-غـالـي غالـي والـغـالـي ربـي مهمـا أتروح وتغيـب معزتـك فـي قلبـي


8-ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

9-رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

10-يالي جايا من العين وبيدك مليت السلة سبحان من اعطاك ازين وزاد في بهاك ديك الحلة

11-ياربي سقملي سعدي بغيت نتزوج

12-هبطت لقاع البحر وحنيت يديا وقلت ربي كملي متراني متمنية

13-عينيك تـوت وحواجـبك يـاقـوت أنـا نديـك واللـي يبغـي يموت يموت

14-خرجت ليلةالجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ،قلت ليه : يا سيدي طالت المدة ، قالى : روحى لدارك تصيبيها قدّامك .

15-احمد يا احمد ياللي عايروني بيك انت وردة فالكاس وغير انا اللي نديك

16-قاعدين في الجنان بين الفل والياسمين قالي أنا نويتك حلال ليا يا لبنية قاتلوا اذا كان هكذا روح شوف خاوتي و والديا .

17-نطلب من ربي الفتاح يعطيني المفتاح ونحل البيبان ونشوف الهنا ونرتاح

18-امّنت بالله ، و المنام رؤية منعند الله ، حمامة بيضة جات ترفرف عليّ ، معاها حصان توقّف بين يديّ .

19-خرجت فـي نصـاف الـيالـي وطلـبت معبودي قلت يـاربـي اجمع شملي مع شمل محبوبي

20-ادا بيكم على القهوة راني نعسان وادا بيكم على الماكلة راني
شبعان وادا بيكم علىالتحواس راني عيان وادا بيكم على البنية ما يديها غير انا


اتمنى ان تعجبكم
كل واحدة تقولي واش خرجلها
ok
شكرا