السلام عليكم ورحمة الله تعالى وبركاته
لقد اتيت لكم بمعركة كلامية بين قلب اللوز والزلابية وقد حدثت في شهر رمضان
ارجو ان تنال اعجابكم بعد ات تقرؤوا محتواها
الزلابية :بونجور مسيو كلب اللوز
قلب اللوز: وعليكم البونجور يا وحد الروجية
الزلابية:بوه عليك .يطيح سعدك,يا قلب العجوز .انا راني حمرة من الخير والعز
قلب اللوز:واش بيك راكي صفرا عندك بوصفاير
الزلابية:انا ما نيش صفرا انا بلوندا يا وحد الشارف
قلب اللوز:واش هذا ويت خرجتي من حمام الزيت ما تلعبيهاش بزاف
الزلابية:وانت واش بيك راك مشمخ. صبت عليك المطر. انا راني عارفة بلي تسكن في السنيوة تاع البيوت القصديرية
قلب اللوز: لا لا درت شوية جال . انا قلب اللوز .نشبه توم كروز
الزلابية: انا لالاك الناس دومندوني في كل مكان .وانت غير الذبان داير بيك
قلب اللوز:الزلابية هي اللي بي. روحي شوفي روحك في المراية .وليتي كالقصبة راكي قريب تموتي
الزلابية:في راسك يا وحد المدربل
قلب اللوز: انا مدربل شعري مخبل .حلو ومعسل. وانت الرحمة غلي والديك واشكون راه دايرك في الحساب
الزلابية:انت تغير مني بزاف
قلب اللوز: ها...ها...ها... علاش نغير منك عندك كليو عندك فيلا عندك حانوتطول حياتك وانت تكسبي زيت سانقو
الزلابية: وانت نسيت روحك يا وحد السميد يا وليد السومباك يا زريعة السباقيتي والمقارون
قلب اللوز:انا سميد بصح حطة بوقوص عليك يا كلوني غير في السهراتوالعرضاتوالجلساتمع الشاي والقازوز
الزلابية:شوف روحك يا وحد الخداع
قلب اللوز: ما نيش خداع انا محشي عنبالك انت مرة صفرا..مرةحمرا...مرة مدورة...مرة طويلة......
وكاد الحوار ان يتحول الى شجار لولا ان سمع اذان المغرب
شكرا لكم جميعا
الرئيسية
البوابة
أحدث الصور
