la vie de noumidya

سلام عليكم ورحمة الله وبركاته ان شاء الله تكونو قاااع ملاح وصحتكم مليحة أنا وحدا فوت محاين كبار في حياتي تعدبت وتمرمدت قريب هبلت بصح منين وليت نعرف هدي لاباج ونقرا لحكايات لي ديرهم ختي لعزيزة ربي يخليها ويحفضها وليت ندير بيهم لكوراج وعاونوني بزااااااااف باهالمهم خاوتي لعزيز منطولش عليكم بزاااف رايحا نبدا حكايتي ونتمناكم تحسو بيا وتفهموني وقبل منبدا نعرفكم بروحي سع الوغ أنا نوميديا من بجاية عمري 22 سنة يما طبيبة تع نساء من باتنة و بابا طبيب قبايلي يعني بجاوي يخدم في سبيطار عندي خويا عمرو 24 سنة يقرا في لافاك أنا وحدة عنيا زورق وشعري شاتان كلار و بيضة طولي 1.68 ونوزن 66 i يشبهوني في miranda kerr ........حكايتي بدات كان عمري 14 سنة بون كنت نقرا 4 متوسط رايحا نفوت بيام وباه نفوتو بيام لازمنا نخدمو كوارط ونقمة ..... انا كنت طايرا حياتي كاملا ضحك وتفحشيش كنت عايشا لابال في كما قلتلكم وحد خطرا ديسيديت انا وصحاباتي نروحو نخدمو نقامي كيف كيف تفاهمنا بتلاتا لعشية بسكو كونا منقراوش رحت قتلها يما راني رايحا مع لبنات نخدمو لكوارت كيف كيف قالتلي لالا متعرفيش انا لي نخدمهملك كي نقعد قتلها او لازمنا هدي سمانا ندفعوهم بسكو لبيام مبقالوش بزاف محبتش تخليني قولت في قلبي ( علاه لبنات كامل يخدمو وحدهم كوارطهم غير انا لازم يخدمولي والديا ) ايا عيطت لخويا قتلو اسمع وين دايرا يما دفتر عائلي قالي سقسي بابا قتلو عيطلو نتا وسقسيه وزرب معنديش ليزونيتي وراني فدار نحوس عليه باه نروح مع لبنات نخدمو كوارط قالي اوك ..... وحد 5 دقايق عيطلي صهيب خويا قالي شوفي روحي خزانة بابا لي يحط فيها كوارتو راكي تلقايه تما وكوبا رحت انا لخزانا حوست حوست حتا لقيتو وخرجت مع لبنات قفلت دار وخرجنا طريق كاملا نضحكو وفرحانين ونحلمو نطلعو ليسي وصلنا لبلدية لقينا غاشيي وش نقولكم وحد لغاشي حمر (انا وحدة طااايرا ولي في راسي نديرو تقدرو تقولو مهبولة ههه) قتلهم اانا ندخل في وسط غاشي هدا قااع ونتوما استناوني هنااااا نخدم ليا ومنبعد نعيطلكم فوتو قالولي اوك .. وبديت انا نحشر فلغاشي كيما لعة وندز فيهم حتا قريب نوصل منين نخدمو لقيت واحد في وجهي دزيت دور ليا .... وقالي..
a suivre ana rani der had la partie bach nchofida rakom m3ana ou ida habito nkmlkom hk
zf ou t9ololi nkmlha ou hadi l9itha sur face book ouma dabikom li y9raha yd3ilha reb ou c pas la paine t9olo makach mnha parce ha9I9a hadi f bladna serat mrc pour vous es amie 7645

i

mafhemtch la fin

parce que mazel ma kmlthach

ok aya kamliha !! lol

mafhmtche la fin
madbik takhmlilna hhhhhh

2eme parté

هو: وش بيك خير ان شاء الله
أنا: بعدلي خويا لعزيز
هو : ديري صف كما لغاشي علاه نتي زايدا علينا؟
أنا : انت قتلك بعدلي بلعقلية وليت تحل في فمك بعد ولا ندزك خير؟
هو:انتي بزة قد صبعي وتعرفي تهدري الله الله مي معليهش كي وليتي صغيرا مراحش نعاندك تفضلي كولييييييييه
أنا: بعد برك وسكت
منبعد انا فوت تما جبدت كارني دوفامي تاعي قالي لي يدير كوارط هاتيه تشوفي رايحا ديري نقمة قتلو ايه وكان هداك مورايا يستنا فيا باه يفوت هوا .... فتح كارني بدا يشوف فيه قالي نتي واش اسمك بعد قتلو نوميديا نوميديا قندوز قالي نوميديا قندوز يا بنتي مكانش هنا بلاك غلطتي في كارني .. قتلو كيفاش هدا مكااانش شوف مليح ولا هات هنا قالي شوفي كاين صهيب قندوز الأب محمد قندوز و الأم حنان ماموني قتلو هات كارني عطاهولي شفتو لقيت اسمي تع صح مكانش قتلو علاه حتا اسمي مكانش قالي هدي شوفي مع لي نقموط متشوفيش فلبلدية وبدا يضحك خرجت انا لقيت لبنات ستناوي قالولي خدمتي قتلهم بلعو وشمن خدمت او اسمي مكانش فدفتر العائلي قالولي بالاك غلطتي ولا عندكم زوج قتلهم منعرف ... سع قالولي ستناينا ندخلو حنا ايا دخلو هما يخدمو شويا هكا انا نلعب فتيليفون لقيت هداك سيد تع قبيل قعد حدايا ويعمر في وحد شاك قتلو
أنا: اسمع واش معنتها واحد كي ميلقاش روحو في كارني دوفامي تاعهم
هو : كان ساكت ويعمر فشاك ......
أنا : ايييييي نتا راني معاك وش حاسب روحك اففف.. ومنكدبش عليكم ( ياو عندو وحد لطاااايي وحد لعنين وحد تحفيفة يقعرووووو يهبل الله يبارك)
هو:انتي وشيطان كيف كيف سبحان الله صار قبيل تلوحي فلهدرة لي كتر منك ودرك تسقسي فيااا كي تعلمي تهدري نعرف انا نجاوبك كي ناس
أنا:(كنت نحوس غير نعرف واش معنتها لي اسمي مكانش) اوك اوك خويا سامحني بصح وش معنتها هكا اسمي مكانش
هو: والهل ماعلابالي سقسي يماك وشوفي مع باباك ومنبعد ضك ضحكا خفيفا قالي هههههه بلاك مكيش بنتهم منقموكش ههههه ويضحك في ضحكة صفرة
انا : هيهيهيهيهيهيهي (عوجتلو ورديتلو ضحكة تاعو) تافه
هو : ؤروحي لا نقولك كلمة كتر منك شعب يا لاطييف وناض وراح يدفع
وبقيت انا نستنا فلبنات كي خرجو رحناا كل واحد راح لدارهم ..وصلت انا لدار حكمتني يما ديراكت فلباب بلعياااط وش بييييييييك نتي متاخديييش راااي وتعيط في وجهي قريب كلاتني وقريب ضربتني قتلها يما واش بيك
يما : هاتي لكارني هنا شكون قالك روحي خدمي نقمة قدك قد شي هدا
أنا: وعلااه صحاباتي (لأأنا مكملتش هدرتي وهيا ناضت فيا)
يما:صحاباتك تبعي راي صحاباتك ياك انا نعرف مصلاحتك مش صحاباتك انا مسؤولة عليك جيبي كارني وخطفتو من يدي
أنا :ديت كارني هدا تع زبل (حاشاكم) تع روحي برك شقيتو معايا ناس خدمو كامل غير انا مخدمتش نا معنديش زهر مام اسمي ومكانش في كارني هدا
يما: تبدل وجها ولات صفرا وقالتلي يااااااااااااااااااااااااك قولتلك خاااطيك شغل هدا وديجا راكي ديتي كارني تع جدك و تعنا تع دار او عندي علاه بيها قتلك متروحيش مي نتي متاخديش راي روحي بعيد من وجهي
انا:اوك خدميلي نقمة او ندفعوها لازم قبل لخميس ورحت لبيتي رقدت كنت عيانا المهم وفاتو لياماااااااات وجاو ليام لي نفوت فيهم البيام فوتنا 3 ايام ونهار تالت كي خلصنا تفاهمنا انا وصحاباتي نخرجو نحوسووو ونريحو من لقرايا اسيدي خلصنا على 12 نهار لخر خرجنا انا و 2 بنات صحاباتي تغدينا برا ومنبعد درنا شويا حوسنا وضحكنا على 4 تع عشية عيطت ليما قتلها وين راكي قالتلي فوتي دي لمفتاح لخدمة رحنا انا ولبنات دينا مفتاح من عند يما ورحنا لدار تعنا دخلو لبنات لصالو ونطقت وحدا فيهم قالتلي نوميديا تعيشي جيبيلي كاس ماء مت بلعطش قولتلها اوك رحت لكوزينا وكانت صيف حليت كونجيلاتور تع فريجيدار نجب لما لبارد طاحت ورقة حطيتلها لماء ومنبعد رفدة ورقة هديك قريتها تع روحي نقرعج في بالي تع ترسيتي ولا ............. و في رايكم واش لقيييييييت يا خاوتي لقيت مكتوب فيها الأسم :نوميديا اللقب عبد السلام ابنت محمد قندوز بالتبني و الأمضاء تاع بابا وكانت فوتو كوبي تاع نقمة.......