ليش يابحر ماعاد فيك أمان
ونحنا اللى كنا لك صوًان
ليش يابحر غدًار .....
وانت قبل وافى وتحفظ الاسرار
اليوم ديمومك كدر وأوعار
وهايج ومايج يابحر زعلان
حمينا اشطوطك قبل م الاشرار
واليوم لنا كاشر النيبان
أنسيت كى شواطيك عليهن غار
الغازى النًاوى سرقة الاوطان
أنسيت كى نضناأصغار أكبار
والموت تمًا غالب الدًفان
أنسيت البطالم وفينيق والتتار
يومها الضًحايا مالها عدًان
واليوم أنظلمنا وهك صار ماصار
والحاكم تخاذل وباعنا الجبان
وجيوشنا أنتكست جابها استعمار
ورضيت بعيشه بعيد عالميدان
واليوم دمًروا بغداد وقبل قندهار
وإريدوا الجنوب إطيح فى لبنان
وداروا على غزه طويل جدار
والقدس راحت باعها الخيًان
ومصر سلًمت بمعاهده وأفكار
من راس حيًه أسمها أمريكان
وحتى الخليج ساعد خراب الدًار
قلوبهم امريكا وللعروبا ألسان
وخليج العرب كى كان فيه جبًار
ما كان تقدر تقربا إيران
واليوم تلعب فيه ليل نهار
والعربى جنازه هامدا الجثمان
قتًالة [ الخطاب] يا حضًار
تمًا لهم مكانه فوق كل مكان
[ أبولؤلؤه] دايرنلا المزار
عليهم اللعنه عبًادت النيران
وحكام العرب كما أتخبًر الحيطان
إللى أتقوله وحده اقول عيبك جار
وان قلت قوميًه اقولك بهتان
وان قلت أخوًه اقول ذيب عقًار
وان قلت العروبه اسكًر البيبان
ملفات سوده بين جار وجار
معروفه قديمه سياسة العدوان
بين الشعوب وبين الحكايم ثار
وشعوبالعرب تبىً بعض لوكان
حكام العرب متعاديين أجهار
فى كل قمًه إيزيدوا أللا انقسمان
ادعوا معانا ياسامعين اجهار
ربى إوحًد امة العربانر